„Bændur græða landið“ – samstarf um uppgræðslu og endurheimt vistkerfa

Árið 1990 kom Landgræðsla ríkisins á uppgræðsluverkefni í samvinnu við bændur á landsvísu. Verkefnið nefnist "Bændur græða landið" (BGL) og geta allir bændur sem eiga eða hafa umráðarétt yfir illa grónu landi sótt um aðild að því. Þeir þurfa ekki að skrifa undir bindandi samkomulag til að gerast aðilar en af hálfu Landgræðslunnar er ætlast til þess að fyrirhuguð uppgræðslusvæði séu lítt gróin og að einhverju leyti friðuð fyrir beit, að minnsta kosti á viðkvæmum vaxtartíma gróðurs. Einnig er ætlast til þess að beitarálag á svæðunum sé almennt það lítið að það hindri ekki gróðurframvindu og uppbyggingu jarðvegsþátta innan þeirra. Umhverfisávinningur BGL verkefna er verulegur. Aukin fagleg þekking og skilningur á gildi þess að vinna að endurheimt vistkerfa út frá vistfræðilegum forsendum hefur leitt til nýrra nálgana við endurheimt raskaðra kerfa; frá aðferðafræði hefðbundinnar ræktunar (t.d. stórir áburðarskammtar og mikil frænotkun) til aðferðafræði vistheimtar (t.d. lágmarksinngrip, áhersla á að styrkja staðargróður). BGL bændur eru almennt mjög meðvitaðir um gildi þess að græða upp út frá vistfræðilegum forsendum.

PETURSDOTTIR Thorunn; 

2013-04-05

Agricultural University of Iceland

JRC63702

978-9979-881-08-7,   

http://pdfvef.oddi.is/landgraedslan/vistheimt_a_islandi/#/4/zoomed,    https://publications.jrc.ec.europa.eu/repository/handle/JRC63702,